കൊറോണ ഭീതിയിലാണ് ഇന്ന് ലോകം. ഈ മഹാമാരിക്കെതിരെയുള്ള കനത്ത പോരാട്ടത്തിലാണ് ഇന്ന് ലോക ജനത. ഇതിനിടയിൽ കോറോണ മഹാമാരിയുടെ വ്യാപനം തടയാനായി രാപകലില്ലാതെ പരിശ്രമത്തിലാണ് ആരോഗ്യപ്രവർത്തകർ.
ആരോഗ്യ പ്രവർത്തകർക്ക് അഭിനന്ദനമറിയിച്ചു കൊണ്ട് നിരവധി പേരാണ് ഇപ്പോൾ രംഗത്തെത്തിയിരിക്കുന്നത്. ഇപ്പോഴിതാ ആരോഗ്യ പ്രവർത്തകർക്ക് അഭിനന്ദനം അറിയിക്കാൻ ചലച്ചിത്രതാരം ഉണ്ണി മുകുന്ദനും എത്തിയിട്ടുണ്ട്.
Also read: അതിർത്തി ചെക്ക്പോസ്റ്റുകളിൽ ഗർഭിണികൾക്കും മുതിർന്നവർക്കും പ്രത്യേക കൗണ്ടർ
സംസ്ഥാനത്തെ വിവിധ ജില്ലകളിലെ യഥാര്‍ത്ഥ ഹീറോകളുമായി സംസാരിക്കാന്‍ അവസരം ലഭിച്ചുവെന്ന് ഉണ്ണി മുകന്ദന്‍ സോഷ്യൽ മീഡിയയിലൂടെ വ്യക്തമാക്കി. പകലെന്നോ രാത്രിയെന്നോ ഭേദമില്ലാതെ കൊറോണയ്‌ക്കെതിരെ പോരാടുന്ന ഓരോരുത്തര്‍ക്കും ഉണ്ണു മുകുന്ദന്‍ നന്ദി അറിയിച്ചു.
ഓണ്‍ലൈനിലൂടെ ആരോഗ്യ പ്രവര്‍ത്തകരുമായി സംസാരിക്കുകയും വിശേഷങ്ങള്‍ പങ്കുവെയ്ക്കുകയും ചെയ്ത ഉണ്ണി മകുന്ദന്‍ ആരോഗ്യ പ്രവര്‍ത്തകര്‍ക്കൊപ്പം പാട്ടുപാടുകയും ചെയ്തു. കൊറോണയ്‌ക്കെതിരെ പോരാടാന്‍ എല്ലാവര്‍ക്കും കരുത്തുണ്ടാകട്ടെയെന്നും അദ്ദേഹം ആശംസിച്ചു. ഈ വീഡിയോ ഇപ്പോൾ സോഷ്യൽ മീഡിയയിൽ വൈറലാകുകയാണ്.
